სულ 4 ეტაპია - რა სტრატეგიით არჩევს ბაიერნი ფეხბურთელების ტრანსფერებს

Sky წერს იმ სტრატეგიის შესახებ, რომელიც მიუნხენის ბაიერნს სატრანსფერო პერიოდში აქვს შემუშავებული. გამოცემის თქმით, გეგმა სულ 4 ფაზისგან შედგება, რომელიც ცალ-ცალკეა ჩაშლილი:

ფაზა 1 - სკაუტების განყოფილება აკონტროლებს მოთამაშეებს და როგორც წესი, პირველ კონტაქტს ამყარებს მოთამაშის აგენტებთან/ოჯახთან;

ფაზა 2 - შემდეგ ყოვლისმომცველი ანგარიში იგზავნება კრისტოფ ფროინდსა და მაქს ებერლთან;

ფაზა 3 - მას შემდეგ, რაც ფროინდი და ებერლი ტრანსფერის შესახებ გადაწყვეტილებას მიიღებენ, ანგარიში სამეთვალყურეო საბჭოს წარედგინება;

ფაზა 4 - სამეთვალყურეო საბჭოს მიერ დამტკიცების შემდეგ, მოლაპარაკებები იწყება მაქს ებერლისა და იან-კრისტიან დრეესენის ხელმძღვანელობით.

როგორც ჩანს, საბოლოო სიტყვა აღმასრულებელ დირექტორ დრეესენზეა, რომელიც ებერლისა და ფროინდის წინადადებას ან დაამტკიცებს, ან უკან, სამუშაო მაგიდისკენ გაიხმობს.