"ბაიერნს საჩუქრები იქით მივეცით" - ლუის ენრიკეს კომენტარი წაგების შემდეგ

გთავაზობთ ლუის ენრიკეს შეფასებას ბაიერნთან წაგების შემდეგ:

"როდესაც მატჩი 11/11-ზე იყო, ეჭვი არაა, რომ ისინი უკეთესები იყვნენ. პირველ ნახევარში ისინი გვჯობნიდნენ. მათ უფრო მეტი შანსი შექმნებს, რასაც ჩვენ მიერ გაცემული საჩუქრებიც დაემატა. როდესაც ბაიერნს ასეთ შანსებს აძლევ, ისინი უბრალოდ გაიტანენ. ახლა თავს არ ვიმართლებ, ჩვენი პასუხისმგებლობაა, რომ უკეთესები გავხდეთ. მეტი ახსნა არ მაქვს, საქმე უბრალოდ ასე დგას. მათ ორი გოლი გაიტანეს და შეეძლოთ, რომ ოთხიც გაეტანათ. იმედგაცრუებული ვარ, რადგან უფრო მეტის მოლოდინი მქონდა", - თქვა ენრიკემ.

უფრო მეტის მოლოდინი ჰქონდა ბრედლი ბარკოლასაც, რომელმაც მატჩის შემდეგ თქვა, რომ ბაიერნისგან ამ დონის თამაშს პსჟ არ ელოდა.

როგორც ჩანს, პარიზში ფიქრობდნენ, რომ საქმე უფრო მარტივად იქნებოდა, ვიდრე რეალურად იყო, თუმცა მიუნხენის ბაიერნის ახლანდელმა სათამაშო დონემ ყველაფერი თავდაყირა დააყენა.