აზრი შეიცვალეს - რა გეგმები აქვს ბაიერნს ზამთრის სატრანსფერო ფანჯარაზე

გასული პერიოდის განმავლობაში იწერებოდა, რომ მიუნხენის ბაიერნი ზამთარში ერთ ან ორ ტრანსფერს განახორციელებდა, კანდიდატად კი არაერთი ფეხბურთელი იყო დასახელებული.

მაგალითად, ძალიან ხშირად ფიგურირებდა პრიორიტეტთა სიაში მარკ გეჰის სახელი, თუმცა ახლა ბაიერნის სატრანსფერო პოლიტიკა სხვა კუთხით არის მიმართული.

როგორც იწერება, კლუბში თვლიან, რომ ჯამალ მუსიალასა და ალფონსო დევისის დაბრუნების შემდეგ ვენსან კომპანის ახალი ფეხბურთელის დამატების აუცილებლობა არ ექნება, შესაბამისად, ბაიერნი ზამთარში არ იაქტიურებს.

სავარაუდოდ, კლუბი იანვარში იმ შემთხვევაში ეცდება ფეხბურთელის დამატებას, თუ რომელიმე საკვანძო მოთამაშე სერიოზულ დაზიანებას მიიღებს.