კომპანი ითხოვს, მაგრამ არის პრობლემა - იყიდის თუ არა ბაიერნი ნათან დე კატს

როგორც აღმოჩნდა, ვენსან კომპანი ანდერლხეტის ბელგიელი თანამემამულის, ნათან დე კატის დიდი გულშემატკივარია და სურს, რომ ბაიერნმა მასში გამოსასყიდი გადაიხადოს.

იწერება, რომ 17 წლის ნახევარმცველის ფასი 35 მილიონი ევროა. ვინ იცის, შესაძლოა ახლა მომავალ კევინ დე ბრუინის რეინკარნაციაზეც კი ვსაუბრობდეთ.

ჰოდა, კომპანის სურს, რომ ბაიერნი აქტიური იყოს, თუმცა პრობლემა ისაა, რომ კლუბი არ აპირებს ზამთარში ფეხბურთელების უხვად დამატებას, რადგან თვლიან, რომ კომპანის ისედაც სავსე კონტიგენტი ჰყავს.

გარდა ამისა, დე კატით დორტმუნდიცაა დაინტერესებული, სადაც კიდევ ერთი ბელგიელი, ჯულიენ დურანვილი თამაშობს, მის ოჯახთან კი დე კატის ოჯახს საკმაოდ ახლო ურთიერთობა აქვს, შესაბამისად, ამ რბოლაში დორტმუნდი თავისდაუნებურად არის დაწინაურებული.