"ნაბი*ვარი ხარ!" - ვის მიაყენეს შეურაცხყოფა ბაიერნის ფანებმა ფრაიბურგთან მატჩის დროს

ფრაიბურგთან მოგებული შეხვედრისას ბაიერნის გულშემატკივრებმა ალიანც არენაზე შეურაცხმყოფელი ბანერი გამოფინეს, რომელიც, როგორც გაირკვა, მიუნხენ 1860-ის პრეზიდენტის მისამართით იყო გამოტანილი.

საქმე ისაა, რომ აღნიშნული კლუბის პრეზიდენტმა, გერნოტ მანგმა რამდენიმე დღის წინ ჰერბერტ ჰაინერზე არც ისე დადებით კონტექსტში ისაუბრა, რასაც ბაიერნის ფანების მწვავე რეაქცია მოჰყვა.

ამასთან დაკავშირებით მანგმა მოგვიანებით კომენტარი გააკეთა:

"ბაიერნმა პიროვნულად მომაყენა შეურაცხყოფა. ეს პატივისცემისგან ძალიან შორს დგას. მათ ნაბი*ვარი დამიძახეს, რაც ყველა ზღვარს სცდება. ორ კლუბს შორის მცირედი მეგობრული ხუმრობა ურთიერთობის ნაწილია, მაგრამ ეს მხოლოდ გარკვეულ ლიმიტში უნდა ჯდებოდეს. მათი ეს საქციელი არასწორი იყო, თუმცა კანონიერ უფლებებს არ გამოვიყენებ და ამ ფაქტზე მაღლა დავდგები", - ამბობს მანგი.