კარლმა ბოსებს კურსი შეაცვლევინა - რა გადაწყვეტილება მიიღო ბაიერნმა

გერმანულმა Kicker-მა დაწერა იმის შესახებ, რომ ლენარტ კარლის ასეთმა საოცარმა აღზევებამ და თამაშმა ბაიერნის ხელმძღვანელობა ერთი მიმართულებით დააფიქრა.

როგორც ვკითხულობთ, კლუბის ბოსები სერიოზულად განიხილავენ ბაიერნის აკადემიის მომძლავრებას, რათა მომავალში უფრო მეტად დაეყრდნონ კარლის ნიჭის მქონე ფეხბურთელებს.

ასევე, ბაიერნის ხელმძღვანელობას მიაჩნია, რომ ასე დიდი ფინანსებიც დაიზოგება, თუ მომავალში კლუბის ძირითადი ბირთვი აკადემიის ფეხბურთელებით დაკომპლექტდება და არა ძვირიანი ტრანსფერებით.

17 წლის ლენარტ კარლს ბოლო 4 თამაშში ნაკრებისა და კლუბის შემადგენლობაში 5 გოლი და 1 საგოლე გადაცემა აქვს მითვლილი.