"ეს ძალიან უსამართლოა და აი რატომ" - ეფენბერგი მანუელ ნოიერს იცავს

მიუნხენის ბაიერნის ყოფილი ფეხბურთელი, შტეფან ეფენბერგი მანუელ ნოიერს კრიტიკისგან იცავს და მას უსამართლოს უწოდებს:

"სულ ცოტა ხნის წინ მისი ეროვნულ ნაკრებში დაბრუნებას განიხილავდნენ სერიოზულად, ახლა კი ამბობთ, რომ ის ბაიერნის სასტარტოობისთვის ზედმეტად ასაკოვანია? თქვენი ეს შეფასება ძალიან უსამართლო და არაადეკვატურია", - ამბობს ეფენბერგი.

39 წლის მანუელ ნოიერი მას შემდეგ გააკრიტიკეს, რაც ჩემპიონთა ლიგაზე ლონდონის არსენალის წინააღმდეგ არც ისე დამაჯერებელი შთაბეჭდილება დატოვა.

შეგახსენებთ, რომ ჯერ კიდევ განიხილება ნოიერისთვის კონტრაქტის 1 წლით განახლება, თუმცა შემდეგ თამაშებში ნაჩვენები ხარისხი მასზე ბევრს გადაწყვეტს.