მოურინიომ პირადად მოითხოვა - ჟოზემ თვალი ბაიერნის ფეხბურთელს დაადგა

პორტუგალიური სპორტული მედიის ერთ-ერთი ყველაზე დიდი და ავტორიტეტული გამოცემა, კერძოდ A BOLA წერს, რომ ჟოზე მოურინიოს ბაიერნიდან რაფაელ გერეიროს დამატება სურს.

ბენფიკას დამრიგებელი პორტუგალიელი უკანახაზელის დიდი გულშემატკივარია და სურს, რომ თავისი გუნდი ზამთარში მისი ტრანსფერით გააძლიეროს.

თავის მხრივ, გერეიროს საჯაროდ აქვს ნათქვამი, რომ ბენფიკა ძალიან მოსწონს და ამ კლუბს დიდ პატივს სცემს, რაც ტრანსფერის ალბათობას კიდევ უფრო ზრდის.

იმის ფონზე, რომ მალე ალფონსო დევისი დაბრუნდება და ბაიერნიც დაბრუნებულებზე დიდი ფსონის გაკეთებას აპირებს, მართლაც არის შანსი, რომ უთამაშებელმა გერეირომ სამშობლოს მიაშუროს.