კეინი ცდილობს, ინგლისელი თანაგუნდელი ბაიერნში წამოიყვანოს

მიუხედავად იმისა, რომ ბაიერნი ზამთრის სატრანსფერო ფანჯარაზე აქტიურობას არ აპირებს, წინასწარ გამორიცხული მაინც ვერაფერი ვერ იქნება, თუნდაც მოულოდნელი ტრავმებიდან გამომდინარე.

გამოცემა TZ წერს, რომ ჰარი კეინი ძალიანაა მოხიბლული მარკ გეჰის თამაშით როგორც პრემიერ ლიგაში, ასევე ინგლისის ნაკრებში, რის გამოც ჰარის თანამემამულის ბაიერნში ხილვა სურს.

წყაროს მტკიცებით, კეინი მაქსიმალურად ცდილობს, რომ გეჰი ბუნდესლიგაში გადმობარგებაზე დაარწმუნოს, რადგან მისი ტრანსფერით ბაიერნის დაცვა ძალიან მოძლიერდება.

თუ დაიოტ უპამეკანო კონტრაქტს არ განაახლებს და გუნდიდან წასვლას გადაწყვეტს, მაშინ გეჰის ტრანსფერის ალბათობა ძალიან გაიზრდება.