"ჩვენი არჩევანი აშკარაა" - ბაიერნის ფანები შლოტერბეკსა და უპამეკანოს ადარებენ

გუშინ ღამით კრისტიან ფალკმა დაწერა, რომ ნიკო შლოტერბეკი თანახმაა ბაიერნში ტრანსფერზე, თუმცა კლუბის პრიორიტეტი ამ ეტაპზე დაიოტ უპამეკანოს კონტრაქტის განახლებაა.

ფრანგი ფეხბურთელი ხელფასის ზრდას და ტრანსფერის კომპენსაციასაც ითხოვს, კლუბის გულშემატკივრები კი ამ ორს შორის საუკეთესოს ირჩევენ:

"ძალიან დიდ ზრდას ითხოვს იმ ფეხბურთელისთვის, ვინც ჩემპიონთა ლიგაზე ყველაფერს აფუჭებს"

"დავიღალე ფანების ზიზღით ჩვენივე ფეხბურთელების მიმართ"

"გერმანელია, ახალგაზრდა, ხასიათით და კლასით, როგორ გირჩევნიათ უპამეკანო შლოტერბეკს?"

"შლოტერბეკს შეუძლია, რომ ნაკრების დაცვის დასაყრდენი გახდეს, რაშიც ბაიერნში თამაში კიდევ უფრო დაეხმარება"

"უპამეკანო რასაც ითხოვს, იმის ნახევარი რომ იყოს კრიტიკულ მომენტებში, ხმას არ ამოვიღებდი", - წერენ ბაიერნის ფანები.