ოლისე და დიასი რეალის ინტერესის სფეროში არიან - Defensa Central

Defensa Central-მა დაწერა, რომ მადრიდის რეალი 2026 წლიდან ვინგერების პოზიციის განახლებას გეგმავს, რასაც, სავარაუდოდ როდრიგო და ვინისიუსი შეეწირებიან.

გამოცემა ამტკიცებს, რომ სამეფო კლუბის სიაში ბაიერნის ორი ლიდერი, ლუის დიასი და მაიკლ ოლისეც მოხვდა, რომელთა გაშვებას ბაიერნი უბრალოდ არ აპირებს.

კოლუმბიელსა და ფრანგს გამოსასყიდიც კი არ აქვთ კონტრაქტში, რაც რეალის შანსებს მიმდინარე სეზონის დასრულების შემდეგ ძალიან ამცირებს.

პირიქით, თუ ოლისემ და დიასმა ასეთი ხარისხის ჩვენება გააგრძელეს, კლუბი იმუშავებს მათთვის კიდევ უფრო კომფორტული და სასიამოვნო პირობების შესაქმნელად.