"ყველაფერი რაღაც მიზეზით ხდება" - ვოლტემადე ბაიერნში ჩაშლილ ტრანსფერზე

Bild-მა ნიკ ვოლტემადესთან ბაიერნში ჩაშლილი ტრანსფერი განიხილა, ფეხბურთელმა კი თავისი განცდების შესახებ ისაუბრა:

"როდესაც მივხვდი, რომ ბაიერნში ვერ მივდიოდი, ჩემს თავს ვუთხარი, რომ, ესე იგი, ეს ასე უნდა ყოფილიყო კიდეც. მჯერა, რომ ყველაფერი ცხოვრებაში რაღაცა მიზეზით ხდება."

"ამის კარგი მაგალითი მაქვს. ბაიერნის ნაცვლად ნიუკასლში წავედი და აქ ძალიან ბედნიერი ვარ. მათი ინტერესის შესახებ ჩემს ოთახში გავიგე და მაშინვე დავინტერესდი, შემდეგ კი მთავარი მწვრთნელიც გავიცანი, რომელიც შესანიშნავი ადამიანია."

"გავიგე თუ არა ნიუკასლის ინტერესის შესახებ, მაშინვე ვიფიქრე, რომ წინადადებას უნდა დავთანხმებოდი. აქ ძალიან ბედნიერი ვარ", - თქვა ვოლტემადემ.