რომელ ცნობილ კლუბს უთხრა უარი მიულერმა ბაიერნიდან წასვლის შემდეგ

ახლახანს Telegrafi-მ საინტერესო ინფორმაცია გამოაქვეყნა, რომელიც ტომას მიულერსა და მისი ბაიერნიდან წასვლის მომენტს ეხება.

გამოცემის თქმით, მიულერმა უარი უთხრა ფლორენციის ფიორენტინას, რომელიც ცდილობდა, რომ ახალი სეზონისთვის გუნდი კიდევ ერთი გამოცდილი მოთამაშით შეევსო.

მიზეზი თუ რატომ გააკეთა ეს მიულერმა, ამ ეტაპზე უცნობია. სხვათა შორის, ისიც იწერებოდა, რომ ლეგენდას წინადადება ლოს ანჯელეს გალაქსისგანაც ჰქონდა, მაგრამ მიულერმა კანადურ კლუბში თამაში აირჩია.

სულ ცოტა ხნის წინ, ჰერბერტ ჰაინერს ჰკითხეს თუ რამდენად რეალური იყო მიულერის გუნდში უკან დაბრუნება, ჰაინერმა კი თქვა, რომ ტომასის განსხვავებულ როლში დაბრუნებას ბაიერნში ყოველთვის მიესალმებიან.