რეალის საბოლოო უარი: მადრიდელებმა ოლისეს ტრანსფერი შეუძლებლად გამოაცხადეს

მადრიდის რეალთან დაახლოებული წყაროები ადასტურებენ, რომ სამეფო კლუბმა მაიკლ ოლისეს ტრანსფერზე საბოლოო პოზიცია ჩამოაყალიბა. მადრიდელთა ხელმძღვანელობაში მიიჩნევენ, რომ მიმდინარე სატრანსფერო ფანჯრის დროს მიუნხენის ბაიერნიდან ფრანგი ვარსკვლავის გამოსყიდვა პრაქტიკულად შეუძლებელია.

მიუხედავად იმისა, რომ ფლორენტინო პერესი ოლისეს თამაშით აღფრთოვანებულია, რეალში კარგად ესმით, რომ ბაიერნთან მოლაპარაკებების დაწყება უშედეგო იქნება. გერმანული გრანდი 24 წლის შემტევის გაყიდვას არცერთი თანხის სანაცვლოდ არ აპირებს და მასთან კონტრაქტის გახანგრძლივებას გეგმავს.

გარდა ამისა, ესპანურ გრანდს არ სურს მიუნხენურ კლუბთან წლების განმავლობაში ჩამოყალიბებული კარგი ურთიერთობა გააფუჭოს. შესაბამისად, მადრიდში თვლიან, რომ ამ ზაფხულს ოლისეს ტრანსფერი ფინანსურადაც და პოლიტიკურადაც განუხორციელებელია, რის გამოც რეალი ოფიციალური წინადადების მომზადებას არ აპირებს.