სჯერა, რომ ბაიერნი შანსს მისცემს - რას ამბობს ნიკოლას ჯექსონის აგენტი

ფაბრიციო რომანოსთან ნიკოლას ჯექსონის მომავალზე ისაუბრა ფეხბურთელის აგენტმა, ალი ბარატმა, რომელიც თვლის, რომ ჯექსონის მომავალზე ჯერ გადაწყვეტილი არაფერია და ბაიერნის სამომავლო აქტიურობა არ უნდა გამოირიცხოს:

"ვფიქრობ, რომ ჯერ კიდევ სეზონის საკმაოდ ადრეულ ეტაპზე ვართ. ნიკო ახლა აფრიკის თასზეა და წინ ჩემპიონთა ლიგის თამაშებიც გველის ბაიერნთან ერთად. ამიტომ, მიმაჩნია, რომ მის მომავალზე საუბარი ჯერ ძალიან ადრეა. მე და ნიკო სეზონის ბოლოს დავსხდებით და ვნახავთ რა წინადადებები გვექნება, გადაწყვეტილებას კი ამის შემდეგ გაიგებთ", - ამბობს ბარატი.

ჯექსონის გარემოცვა ფიქრობს, რომ სეზონის კულმინაციურ ფაზაში გადამწყვეტი როლის თამაშით ფეხბურთელს ბაიერნთან შანსები გაუჩნდება, თუმცა ამ ეტაპზე საკმაოდ ნათელია, რომ კლუბი სენეგალელი ფორვარდის დატოვებას არ აპირებს.