ბუნდესლიგის საუკეთესო - ვენსან კომპანი პეპ გვარდიოლას გაუთანაბრდა

საახალწლო შესვენების შემდეგ ბაიერნი ოფიციალური შეხვედრით დღეს ბრუნდება. გუნდი 20:30-ზე ბუნდესლიგაში ვოლფსბურგს უმასპინძლებს.

აღსანიშნავია, რომ ეს შეხვედრა ბუნდესლიგაში მწვრთნელად ვენსან კომპანისთვის რიგით 50-ე იქნება, 49 შეხვედრაში კი ბელგიელს ისეთივე შედეგები აქვს დაფიქსირებული, როგორიც პეპ გვარდიოლას ჰქონდა.

განვლილ დროში კომპანის ფორმაციის ბაიერნმა 38 შეხვედრა მოიგო, 9 ფრედ დაასრულა და მხოლოდ 2 წააგო, რაც იმას ნიშნავს, რომ ჩემპიონატში ბაიერნი საშუალოდ 2.5 ქულას იღებს.

როგორც დაიწერა, ეს შედეგი აქამდე სწორედ გვარდიოლას ეკუთვნოდა, რომლითაც ის პირველ ადგილს იკავებდა, ახლა კი პირველზე ერთბაშად ორი სპეციალისტი იქნება.