იურგენ კლოპი რეალში? - რა ინფორმაცია ვრცელდება გერმანელ მწვრთნელზე

გუშინ მადრიდის რეალმა ჩაბი ალონსო მთავარი მწვრთნელის პოსტიდან დაითხოვა და მის ნაცვლად დროებით არბელოა დანიშნა, რომელიც შესაძლოა სულ მალე იურგენ კლოპმა შეცვალოს.

აღნიშნულის შესახებ ფლორიან პლეტენბერგმა დაწერა. მისი თქმით, მადრიდული გრანდი სერიოზულად განიხილავს კლოპის კანდიდატურას.

მიუხედავად იმისა, რომ კლოპს რედ ბულთან ხანგრძლივი კონტრაქტი აქვს, რეალს ეს არ აშინებს და ეცდება, რომ ყველა ფინანსური მოთხოვნა დააკმაყოფილოს.

თავად კლოპს მიაჩნია, რომ ახლა რეალში დალაგებული სიტუაცია არ არის, რასაც ალონსოს გუნდიდან გაშვება ასახავს. როგორც ჩანს, გერმანელ მწვრთნელს მეტი გარანტიები სჭირდება საიმისოდ, რომ ასეთი ნაბიჯი გადადგას.