ნაგელსმანი ნაკრებს ტოვებს? - იულიანს მანჩესტერში ეპატიჟებიან

ბოლო საათებში აქტიურად წერენ იმის შესახებ, რომ მანჩესტერ იუნაიტედს იულიან ნაგელსმანის თავისთან წაყვანა სურს.

ინგლისური წყაროების მტკიცებით, იუნაიტედს სეზონის ბოლომდე მაიკლ კერიკი უხელმძღვანელებს, მსოფლიოს ჩემპიონატის შემდეგ კი კლუბი ნაგელსმანის დანიშვნას ეცდება.

ნაგელსმანს გერმანიის ნაკრებთან კონტრაქტი 2028 წლამდე აკავშირებს, ასე რომ ეროვნულ გუნდში მას მუნდიალის გარდა წინ კიდევ ევროპის ჩემპიონატიც ელის, თუმცა სიტუაცია შეიძლება ჩვეულებრივ შეიცვალოს.

ერთი ისაა, რომ გერმანიის ნაკრებს მწვრთნელების ხშირი ცვლა არ ახასიათებს და შესაძლოა, ამან ნაგელსმანს წასვლაში პრობლემები შეუქმნას.