ჰენდერსონმა კოუტინიოს შესაძლო დაბრუნებაზე ისაუბრა

ბოლო დროს აქტიურად იწერება იმის შესახებ, რომ ფილიპე კოუტინიო შესაძლოა "ლივერპულში" დაბრუნდეს.

აღნიშნულ თემაზე კომენტარი მერსისაიდული კლუბის კაპიტანმა, ჯორდან ჰენდერსონმა გააკეთა.

"ფილი ჩემი ახლო მეგობარია. ვფიქრობ, ის ძალიან კარგი ფეხბურთელია, რომელიც ნებისმიერ გუნდს გააძლიერებს."

"მე მივესალმებოდი მის დაბრუნებას, თუმცა, ეს ჩემზე არაა დამოკიდებული. გარდა ამისა ვფიქრობ, რომ კოუტინიოს დრო "ლივერპულში" დასრულდა. ის ახლა უკვე სხვა გუნდის ღირსებას იცავს." - აცხადებს ჰენდერსონი.