“მზად ვიქნებით. არავის გვეშინია” - ბაიერნის ლიდერი რეალთან შეხვედრაზე

ჰარი კეინმა რეალ მადრიდთან მოახლოებულ დაპირისპირებაზე ისაუბრა და აღნიშნა, რომ ბაიერნს ძალიან რთული მატჩი ელოდება, თუმცა გუნდი მზად არის ბრძოლისთვის.

ინგლისელი თავდამსხმელის თქმით, ჩემპიონთა ლიგაზე რეალთან თამაში ყოველთვის განსაკუთრებული გამოწვევაა, რადგან ეს არის გუნდი, რომელიც ასეთ ეტაპებზე ყველაზე დიდ გამოცდილებას ფლობს. მიუხედავად ამისა, კეინმა ხაზგასმით აღნიშნა, რომ ბაიერნი არავის უფრთხის და მოედანზე გამარჯვებისთვის გავა.

მისი თქმით, გუნდში სრული კონცენტრაცია და მზადყოფნაა, რადგან ყველა კარგად აცნობიერებს, თუ რა მნიშვნელობის შეხვედრა ელით. კეინი დარწმუნებულია, რომ მიუხედავად სირთულისა, ბაიერნს აქვს საკმარისი ხარისხი, რათა რეალ მადრიდს კონკურენცია გაუწიოს და სასურველი შედეგი დააფიქსიროს.

„რთული თამაში იქნება. როცა ჩემპიონთა ლიგაზე რეალ მადრიდს ეთამაშები, ყოველთვის ბრძოლას ელოდები. მაგრამ ჩვენ მზად ვიქნებით. არავის გვეშინია, მიუხედავად იმისა, რომ რთული იქნება.“ - განაცხადა კეინმა.