ამ თანხის სანაცვლოდ ბაიერნი დაფიქრდება - ოლისეს ტრანსფერი მადრიდში რეალური ხდება?

მაიკლ ოლისეს გარშემო სატრანსფერო ხმები კიდევ უფრო ძლიერდება და ახლა უკვე საუბარია კონკრეტულ ციფრებზე, რომლებიც ბაიერნს შეიძლება დააფიქროს.

გავრცელებული ინფორმაციით, მიუნხენური კლუბი დაახლოებით 160 მილიონი ევროს ოდენობის წინადადებას ავტომატურად არ უარყოფს. ასეთი შეთავაზების შემთხვევაში, ბაიერნის ხელმძღვანელობა საკითხს სერიოზულად განიხილავდა, თუმცა ამ ეტაპზე კლუბს მისი გაყიდვის არანაირი გეგმა არ აქვს.

ოლისე ბაიერნთან კონტრაქტით 2029 წლამდეა დაკავშირებული და ხელშეკრულებაში გამოსასყიდი თანხა არ არის, რაც გერმანულ გრანდს სრულ კონტროლს აძლევს მის მომავალზე.

რაც შეეხება მადრიდის რეალს, მარჯვენა ფლანგზე პრობლემის მიუხედავად, ტრანსფერი მხოლოდ იმ შემთხვევაში გახდება რეალური, თუ ვინისიუსის ან როდრიგოს გაყიდვა მოხდება, რაც ამ ეტაპზე ნაკლებად სავარაუდოა.