კომპანის ტაქტიკური გეგმა - რატომ არის დეივისი შეუცვლელი მის სისტემაში?

მიუნხენის ბაიერნის მთავარი მწვრთნელი, ვენსან კომპანი, ალფონსო დეივისის გუნდში დარჩენის ერთ-ერთი მთავარი ინიციატორია. გასულ წელს ბელგიელი სპეციალისტი კლუბის ხელმძღვანელობასთან აქტიურად განიხილავდა კანადელი მცველისთვის კონტრაქტის გახანგრძლივებას. კომპანის არგუმენტი მარტივი და მკაფიოა: დეივისი მისი ტაქტიკური სისტემის ფუნდამენტური ნაწილია.

მწვრთნელი მიიჩნევს, რომ ალფონსოს ფენომენალური სისწრაფე კრიტიკულად მნიშვნელოვანია მაღალი დაცვის ხაზის დროს, რადგან მას შეუძლია მომენტალურად დაფაროს თავისუფალი სივრცე და ჩააქროს მეტოქის კონტრშეტევები. კომპანის განსაკუთრებული იმედი აქვს, რომ დეივისი მადრიდის რეალთან მატჩებისთვის იდეალურ ფორმაში იქნება.

მადრიდელთა სწრაფი შემტევების წინააღმდეგ კანადელის სისწრაფე ბაიერნის მთავარი იარაღი უნდა გახდეს. ბოლო კვირების განმავლობაში ვარჯიშებზე მთავარი აქცენტი სწორედ მეტოქის კონტრშეტევების შეჩერებაზე კეთდება, სადაც დეივისის როლი გადამწყვეტია.