ბაიერნის იდენტობა და აგრესიული დაცვა - არბელოას ანალიზი მატჩის წინ

მადრიდის რეალის მთავარმა მწვრთნელმა, ალვარო არბელოამ, ხვალინდელი მატჩის წინ ბაიერნი საჯაროდ შეაქო. მისი თქმით, მიუნხენელები გამორჩეულ სეზონს ატარებენ, როგორც შედეგების, ისე თამაშის სტილის თვალსაზრისით. არბელოა პირდაპირ ამბობს, რომ რეალი ხვალ ევროპის ყველაზე ფორმიან გუნდს დაუპირისპირდება.

არბელოა: "მადრიდის რეალი ყოველთვის პასუხობდა გამოწვევებს ტოპ გუნდების წინააღმდეგ. ბაიერნს გამორჩეული სეზონი აქვს, როგორც შედეგების, ისე ფეხბურთის სტილის თვალსაზრისით. ჩვენ ვხვდებით ამ მომენტში ევროპის ყველაზე ფორმიან გუნდს. ვიცით, რა გამოწვევას შემოგვთავაზებენ ისინი მოედანზე. ჩვენი ისტორია ბაიერნთან ყოველთვის განსაკუთრებულია. ბერნაბეუ ჩემპიონთა ლიგის კიდევ ერთ დიდებულ ღამეს გამოცდის."

"ბაიერნი ძალიან კარგად გაწვრთნილი გუნდია, რომლის იდენტობა და თამაშის სტილი მაშინვე თვალსაჩინოა. ისინი ძალიან აგრესიულები არიან დაცვაში და აიძულებენ ყველა თავის ფეხბურთელს, რომ საოცრად კარგად დაიხიონ უკან. შემდეგ კი, ბურთით, ისინი ქმნიან მომენტებს ფლანგებიდან ძალიან ნიჭიერი ფეხბურთელების მეშვეობით. ვფიქრობ, ძალიან სრულყოფილი გუნდია მრავალი იარაღით. კომპანი იმსახურებს ყოველგვარ ქებას, რადგან ის მიუნხენის ბაიერნში უზარმაზარ სამუშაოს ასრულებს."