"ის ყველა დროის საუკეთესო მეკარეა" - ტონი კროოსი მანუელ ნოიერზე

ლეგენდარულმა გერმანელმა ნახევარმცველმა, ტონი კროოსმა, პოდკასტში მანუელ ნოიერის ფენომენზე ისაუბრა. კროოსის აზრით, ნოიერი არა მხოლოდ საუკეთესო მეკარეა ისტორიაში, არამედ ერთადერთი გოლკიპერია, რომლის თამაშიც მაყურებელს ესთეტიკურ სიამოვნებას ანიჭებს.

კროოსი ხაზს უსვამს ნოიერის უნიკალურ სტილსა და ელეგანტურობას:

„ჩემთვის ფაქტია, რომ მანუ ყველა დროის საუკეთესოა. ის ერთადერთი მეკარეა, რომლის ყურებაც სიამოვნებაა. ის, რასაც ის აკეთებს, ძალიან კარგად გამოიყურება. მას დღემდე შენარჩუნებული აქვს მეკარეობის საკუთარი, უნიკალური სტილი. ეს მხოლოდ მას აქვს.“

„მას კვლავ აქვს წარმოუდგენელი აურა - თავისი მოძრაობებითა და ელეგანტურობით. ის მოედანზე განსაკუთრებულ ენერგიას ასხივებს.“