ალიანც არენამდე ბრძოლა სასტუმროსთან დაიწყო - როგორ შეხვდნენ რეალს მიუნხენში?

მატჩი ჯერ არ დაწყებულა, თუმცა მიუნხენში დაძაბულობამ პიკს მიაღწია. გამთენიისას, მადრიდის რეალის სასტუმროსთან, სადაც ფეხბურთელები ისვენებდნენ, უცნობმა პირებმა ფეიერვერკები გაუშვეს.

ფეიერვერკების სერია ზუსტად იმ მხარეს მოეწყო, სადაც მადრიდელთა ოთახებია. მიზანი ნათელია — ფეხბურთელებისთვის სიმშვიდის დარღვევა და მატჩის წინ მათი გამოფიტვა.

მადრიდის რეალის უსაფრთხოების სამსახური და ადგილობრივი დაცვა დაუყოვნებლივ გამოვიდა გარეთ. ისინი ცდილობდნენ იმ პირების იდენტიფიცირებას, ვინც „ხმაურიანი საჩუქარი“ მოამზადა.

მსგავსი მეთოდები ევროპულ ფეხბურთში მიღებული პრაქტიკაა გადამწყვეტი მატჩების წინ. როგორც ჩანს, მიუნხენში რეალს ნამდვილი ჯოჯოხეთი ელის.