ბაიერნის პრეზიდენტი: "ნერვიულობა დიდია. ნამდვილად ამაღელვებელი თამაში იქნება"

მიუნხენის ბაიერნის პრეზიდენტმა, ჰერბერტ ჰაინერმა, რეალთან მატჩის წინ საკუთარი ემოციები გააზიარა. მისი თქმით, დღევანდელი საღამო ნამდვილი საფეხბურთო ზეიმი იქნება.

ჰაინერმა ხაზი გაუსვა მატჩის გლობალურ მნიშვნელობას:

"ეს ნამდვილად ამაღელვებელი თამაში იქნება. მთელი მსოფლიო ჩვენ გვიყურებს — ტრანსლაცია 200-ზე მეტ ქვეყანაში გადაიცემა. ასეთ სანახაობას ყოველდღე ვერ შეხვდებით."

მიუხედავად გამოცდილებისა, პრეზიდენტი აღიარებს, რომ დაძაბულობა დიდია:

"რა თქმა უნდა, ცოტათი ვნერვიულობ კიდეც. გულშემატკივრებმა მადრიდშიც წარმოუდგენელი მხარდაჭერა გამოგვიცხადეს, დღეს კი ისინი ჩვენი მე-12 მოთამაშე იქნებიან."