კეინი: "წლების განმავლობაში ბევრი რამ მათ სასარგებლოდ ხდებოდა, ასე რომ..."

მადრიდის რეალის ბანაკში კამავინგას წითელი ბარათის გამო მძვინვარე პროტესტს მიუნხენელთა ლიდერმა, ჰარი კეინმა, საკმაოდ მშვიდი და ცინიკური პასუხით უპასუხა. როდესაც მას უთხრეს, რომ მადრიდელები მსაჯის გადაწყვეტილებით ძალიან, ძალიან გაბრაზებულები არიან, კეინმა სამეფო კლუბს მათივე წარსული შეახსენა.

„დარწმუნებული ვარ, რომ გაბრაზებულები არიან, მაგრამ წლების განმავლობაში ბევრი რამ მათ სასარგებლოდ ხდებოდა, ასე რომ...“ - განაცხადა კეინმა.

ამ მოკლე ფრაზით ინგლისელმა მიანიშნა იმ მრავალწლიან პრივილეგირებულ მდგომარეობაზე, რაშიც რეალს ხშირად ადანაშაულებენ ევროტურნირებზე მსაჯებთან მიმართებაში. ფორვარდმა ნათლად აგრძნობინა მეტოქეს, რომ ახლა წუწუნის დრო არ არის.