მწვრთნელის გარეშე პარიზში? კომპანი დისკვალიფიკაციაზე ალაპარაკდა

ბაიერნის მთავარმა მწვრთნელმა, ვინსენტ კომპანიმ, ჩემპიონთა ლიგის ნახევარფინალურ მატჩზე ისაუბრა, რომელსაც ის რეალთან მიღებული ბარათის გამო გამოტოვებს. მიუხედავად იმედგაცრუებისა, კომპანი დარწმუნებულია, რომ გუნდი დავალებას მის გარეშეც გაართმევს თავს.

„რეალთან მატჩის შემდეგ იმედგაცრუებული ვიყავი, რადგან ვთვლი, რომ მსაჯის გადაწყვეტილება მართებული არ იყო. თუმცა, ახლა ეს უკვე დასრულებულია. ჩვენ გვაქვს ჩვენი პროცესები და ზუსტად ვიცით, რა უნდა გავაკეთოთ თამაშის დღეს.“

„ჩემს გუნდს ვენდობი. ეს მხოლოდ ჩემი ნახევარფინალი არ არის - ეს არის ფეხბურთელების, გუნდისა და კლუბის ნახევარფინალი. ჩვენ ყველამ მაქსიმუმი უნდა გავიღოთ ძალიან ძლიერი მეტოქის წინააღმდეგ.”