"პირველად მესმის..." - კრისტოფ ფროინდი ნოიერის ახალ კონტრაქტს უარყოფს

მიუნხენის ბაიერნის სპორტულმა დირექტორმა, კრისტოფ ფროინდმა, გავრცელებული ინფორმაცია მანუელ ნოიერთან შეთანხმების შესახებ კატეგორიულად უარყო. ფროინდის განცხადებამ გერმანული მედია და ფანები საგონებელში ჩააგდო.

„პირველად მესმის, რომ შეთანხმება მიღწეულია. არ ვიცი, საიდან მოდის ეს ინფორმაცია. ჯერ მხოლოდ აპრილის შუა რიცხვებია და მასთან ეს საუბარი ჯერ არ გვქონია.“

მიუხედავად იმისა, რომ ინსაიდერები ნოიერის 2027 წლამდე დარჩენას უკვე გადაწყვეტილ ამბად აცხადებდნენ, ფროინდი ამბობს, რომ კლუბი კაპიტნის გადაწყვეტილებას ელოდება:

„ჩვენ ყოველთვის ერთსა და იმავეს ვამბობდით — მანუსთან მუდმივი კონტაქტი გვაქვს. ის გადაწყვეტილებას თავისი გრაფიკის მიხედვით მიიღებს. როცა დრო მოვა, განცხადებას მაშინ გავაკეთებთ, მაგრამ ეს საუბარი ჯერ არ შემდგარა.“