სერიოზული დარტყმა პარიზელებს - ჰაკიმი ბაიერნთან მატჩს გამოაკლდება?

საპასუხო მატჩის წინ პარიზული ბანაკიდან შემაშფოთებელი ცნობები ვრცელდება. მიუხედავად პარკ დე პრენსზე მოპოვებული გამარჯვებისა, ლუის ენრიკეს გუნდმა შესაძლოა ერთ-ერთი მთავარი ძალა დაკარგოს.

მაროკოელი ვარსკვლავი, აშრაფ ჰაკიმი, რომელმაც მატჩის დასრულება ვერ შეძლო, სერიოზული საფრთხის წინაშეა. თავდაპირველად ივარაუდებოდა, რომ ეს მხოლოდ კუნთის გადაღლილობით გამოწვეული დისკომფორტი იყო, თუმცა დღეს დილით ჩატარებულმა პირველადმა გამოკვლევებმა აჩვენა, რომ ტრავმა შესაძლოა იმაზე რთული აღმოჩნდეს, ვიდრე სამედიცინო შტაბი მოელოდა. 

პარალელურად, ცნობილი გახდა ნუნუ მენდეშის მდგომარეობაც - მიუხედავად იმისა, რომ ისიც შეცვალეს, პორტუგალიელი მცველი მიუნხენში სათამაშოდ მზად იქნება. თუმცა, ჰაკიმის დაკარგვა ბაიერნის შემტევებს დიდ უპირატესობას აძლევს.