წნეხი 90 წუთის განმავლობაში: "ასეთ მოთამაშესთან გამკლავება ძალიან რთულია"

პარიზელთა კაპიტანმა, მარკინიოსმა, მატჩის შემდეგ გულახდილად ისაუბრა იმ სირთულეებზე, რაც მას ლუის დიასმა შეუქმნა. ბრაზილიელი მცველი აღიარებს, რომ კოლუმბიელი შემტევის წინააღმდეგ თამაში, განსაკუთრებით კი ყვითელი ბარათის ფონზე, თითქმის შეუძლებელი იყო.

„ის ჩემპიონია. მის თამაშს ჯერ კიდევ ლივერპულის დროიდან და კოლუმბიის ნაკრებიდან ვაკვირდები. 1-1ზე მისი დევნა ძალიან რთულია. როდესაც პირველივე ტაიმიდან ყვითელი ბარათით გიწევს თამაში, საქმე კიდევ უფრო რთულდება.

მთელი მატჩი უდიდესი წნეხის ქვეშ ვიყავი. ისეთ მოთამაშესთან გამკლავება, რომელიც მუდმივად ეძებს 1-1ზე სიტუაციებს, ძალიან ძნელია.“ - განაცხადა მარკინიოსმა.