მანუელ ნოიერი რჩება! - ლეგენდარულმა მეკარემ კლუბის სამომავლო გეგმა მიიღო

მიუნხენის ბაიერნსა და მანუელ ნოიერს შორის მოლაპარაკებები გადამწყვეტ ფაზაში შევიდა. გუნდის კაპიტანმა კლუბის მიერ შეთავაზებულ სტრატეგიას მხარი დაუჭირა, რაც იმას ნიშნავს, რომ ნოიერი მიუნხენურ კარიერას კიდევ ერთი წლით გაახანგრძლივებს.

შეთანხმების დეტალები ცნობილია:

ნომერი პირველი: მანუელ ნოიერი გუნდის მთავარ მეკარედ რჩება.

მემკვიდრეზე ზრუნვა: ნოიერი მზად არის მომავალ სეზონში უფრო მეტი სათამაშო დრო დაუთმოს იონას ურბიგს.

მენტორობა: ლეგენდარული მეკარე გააგრძელებს ურბიგის მენტორობას, რათა ის თავის სრულფასოვან მემკვიდრედ ჩამოაყალიბოს.

საერთო კმაყოფილება: ორივე მეკარე ამ გეგმითა და როლების გადანაწილებით კმაყოფილია.

ამ ეტაპზე კლუბი ნოიერს კონტრაქტს 2027 წლამდე სთავაზობს. მხარეებს შორის ციფრებსა და დეტალებზე პირველადი საუბარი უკვე შედგა, თუმცა საბოლოო შეთანხმება ხელფასის ოდენობაზე ჯერ მიღწეული არ არის. თუ ფინანსურ საკითხებზე შეთანხმდებიან, ნოიერი ახალ ერთწლიან ხელშეკრულებას ოფიციალურად მოაწერს ხელს.