ზიულეს დიეტა ბაიერნში: "მეგონა გული წამივიდოდა, მაგრამ ჰაინკესს ვუმალავდი"

ნიკლას ზიულემ გაიხსენა პერიოდი, როდესაც მიუნხენის ბაიერნში ლეგენდარული იუპ ჰაინკესის ხელმძღვანელობით თამაშობდა. აღმოჩნდა, რომ მწვრთნელის სიმკაცრეს წონასთან დაკავშირებით, ზიულე საკმაოდ ექსტრემალური ხრიკებით უმკლავდებოდა.

ბაიერნში აწონვები ყოველ ხუთშაბათს გვქონდა. მთელი ოთხშაბათი არაფერს ვჭამდი, ვშიმშილობდი. საღამოს კი სახლში, საუნაში შევდიოდი - თან საწვიმარი ლაბადა მეცვა! მეორე დღეს 2.5 კილოთი ნაკლებს ვიწონიდი. ეს იყო უკიდურესობა. საუნა სარდაფში მქონდა, მთელი დღის უჭმელი და საუნისგან დაცლილი, ზემოთ საძინებლამდე სამი სართული უნდა ამევლო. ფანჯარას ვაღებდი და 10 წუთი ჰაერს ვყლაპავდი, რადგან მეგონა, რომ გული წამივიდოდა“, — იხსენებს ზიულე.

ყველაზე სასაცილო კი ჰაინკესის რეაქცია იყო: „უქმეებზე ვთამაშობდით, ვიგებდით და იუპი მეუბნებოდა: 'ხედავ? ახლა ბევრად უკეთ ითამაშე'. სინამდვილეში კი ჩემი წონა ზუსტად ისეთივე იყო, როგორიც მანამდე“.