ტრანსფერი ჩიხშია: რატომ ვერ თანხმდებიან ბაიერნი და ნიუკასლი გორდონის ფასზე?

ინგლისელი გარემარბის, ენტონი გორდონის მიუნხენში ტრანსფერი ფინანსური უთანხმოების გამო კითხვის ნიშნის ქვეშ დგას. ნიუკასლმა ფეხბურთელს საკმაოდ მაღალი ფასი დაადო, რამაც ბაიერნი აიძულა, სხვა ვარიანტები განიხილოს.

ინგლისური კლუბი საწყის ეტაპზე საკუთარ ლიდერში დაახლოებით 90 მილიონ ევროს ითხოვს, თუმცა რეალური ფასი, ბონუსების ჩათვლით, შესაძლოა 75-85 მილიონ ევრომდე ჩამოვიდეს.

მიუხედავად ამისა, ბაიერნი ამ ეტაპზე მსგავსი თანხის გადახდას არ აპირებს და მიიჩნევს, რომ მოთხოვნილი ფასი გადაჭარბებულია. არსებული მოცემულობით, გორდონის მიუნხენური ვოიაჟი ძალიან გართულდა, რის გამოც კლუბის ხელმძღვანელობა უკვე გადავიდა სხვა გეგმაზე და აქტიურ კონტაქტშია სხვა ალტერნატიულ ფეხბურთელებთან.