გრანდების ბრძოლა გვარდიოლისთვის: ბაიერნი ხორვატი მცველით დაინტერესდა

მიუნხენის ბაიერნი და მადრიდის რეალი მანჩესტერ სიტის მცველის, იოშკო გვარდიოლის გარშემო არსებულ სიტუაციას აქტიურად აკვირდებიან. გავრცელებული ინფორმაციით, ორივე კლუბმა უკვე დაამყარა პირველი კონტაქტი, რათა შესაძლო ტრანსფერის პირობები გაარკვიონ. 24 წლის მცველი ევროპული ფეხბურთის გრანდების დიდი სიმპათიით სარგებლობს.

მიუხედავად ინტერესისა, გვარდიოლისთვის მიმდინარე სეზონი რთული აღმოჩნდა — მან სეზონის დიდი ნაწილი მოტეხილი ფეხის გამო გამოტოვა. მიუხედავად მძიმე ტრავმისა, მანჩესტერ სიტი მას გუნდის მომავლის საკვანძო ნაწილად მიიჩნევს და უახლოეს პერიოდში ახალ კონტრაქტზე მოლაპარაკებების დაწყებასაც გეგმავს.

ხორვატის ამჟამინდელი ხელშეკრულება 2028 წლამდეა ძალაში, რაც იმას ნიშნავს, რომ მისი ინგლისიდან წაყვანა ნებისმიერი კლუბისთვის დიდ ფინანსებთან იქნება დაკავშირებული.