დეივისის დილემა: რისკი ჯანმრთელობაზე თუ ოცნება მსოფლიო ჩემპიონატზე?

ალფონსო დეივისის კუნთის გაწყვეტა იმაზე სერიოზული აღმოჩნდა, ვიდრე თავიდან ჩანდა. სამედიცინო პროტოკოლით, მსგავსი ტრავმის რეაბილიტაციას მინიმუმ 6 კვირა სჭირდება, თუმცა მსოფლიო ჩემპიონატის დაწყებამდე მხოლოდ 3 კვირაა დარჩენილი. კანადაში იმედოვნებენ, რომ ფეხბურთელი მწყობრში 4-5 კვირაში ჩადგება და ტურნირის სტარტს მიუსწრებს, რაც სამედიცინო კუთხით უდიდესი რისკია.

ბაიერნი რთულ ვითარებაშია: კლუბს აქვს ვალდებულება, ფეხბურთელი ნაკრებში გაუშვას, თუმცა დეივისის მგზავრობა კანადაში რეაბილიტაციის პროცესს კატასტროფულად დააზიანებს. კონტინენტთაშორისი ფრენები და მუდმივი გადაადგილებები მკურნალობის კურსს შეაფერხებს. მეორე მხრივ, თუ მიუნხენელები ფეხბურთელის გერმანიაში დარჩენას მოითხოვენ, დეივისი გამოტოვებს შანსს, ითამაშოს საშინაო მსოფლიო ჩემპიონატზე, რაც ნებისმიერი მოთამაშისთვის ცხოვრებაში ერთხელ მოსაცემი შანსია.