კონფლიქტი მიუნხენში: ული ჰიონესის კრიტიკამ კონრად ლაიმერი გაანაწყენა

ბაიერნსა და კონრად ლაიმერს შორის ახალ კონტრაქტზე მოლაპარაკებები ჩიხში შევიდა. დაძაბულობის მიზეზი ული ჰიონესის მიერ პსჟ-სთან მატჩის წინ DAZN-ის ეთერში გაკეთებული კომენტარები გახდა. კლუბის საპატიო პრეზიდენტმა ხაზგასმით აღნიშნა, რომ ლაიმერის ხელფასს აქვს ლიმიტი და დასძინა: „ის არც მარადონაა და არც ჰარი კეინი“.

ჰიონესის ამ სიტყვებმა ავსტრიელი ფეხბურთელი აშკარად გააღიზიანა. ამ დროისთვის მხარეებს შორის დიალოგი შეჩერებულია, რადგან კლუბი ფეხბურთელის ფინანსური მოთხოვნების დაკმაყოფილებას არ აპირებს. არსებული ვითარებიდან გამომდინარე, უახლოეს პერიოდში შეთანხმების მიღწევა ნაკლებად სავარაუდოა.