ნაგელსმანი: "დაახლოებით 62 სატელეფონო ზარის განხორციელება მომიწევს."

გერმანიის ნაკრების მთავარმა მწვრთნელმა, იულიან ნაგელსმანმა, მანუელ ნოიერისა და ოლივერ ბაუმანის შესახებ დასმულ კითხვებს გვერდი აუარა. მწვრთნელმა განაცხადა, რომ სანამ გადაწყვეტილებას საჯაროდ გამოაცხადებს, მას პირადი საუბრები აქვს ფეხბურთელებთან.

„ყოველთვის ვცდილობ, ჯერ ფეხბურთელებს დაველაპარაკო - ყველას, მათი სახელის მიუხედავად. მოთამაშეს პირველს უნდა დავუკავშირდე, ეს კი ჯერ არ მომხდარა.

ხუთშაბათამდე დაახლოებით 62 სატელეფონო ზარის განხორციელება მომიწევს და მერე ვნახავთ, რა მოხდება“ - განაცხადა ნაგელსმანმა.

მისი ეს სიტყვები მიანიშნებს, რომ ნაკრების განაცხადი ჯერ კიდევ ფორმირების პროცესშია და ნოიერის ტრავმის ფონზე, სიტუაცია კიდევ უფრო ჩახლართულია.