ნაგელსმანის სატელეფონო ზარები დაიწყო! - მეკარეების გეგმა მუნდიალისთვის

გერმანული წყაროების ცნობით, ნაგელსმანმა ოლივერ ბაუმანს პირადად დაურეკა და აცნობა, რომ მსოფლიო ჩემპიონატზე გერმანიის ნაკრების პირველი ნომერი მანუელ ნოიერი იქნება. ბაუმანმა მწვრთნელს სრული მხარდაჭერა გამოუცხადა და დაარწმუნა, რომ ნოიერის გამოძახების შემთხვევაშიც კი, ის მზად არის გუნდს გვერდში დაუდგეს და სათადარიგო სკამიდან დაეხმაროს.

თუმცა, ნაგელსმანის მთავარი სიურპრიზი ეს არ არის. გერმანელი სპეციალისტი სერიოზულად განიხილავს ამერიკაში 3-ის ნაცვლად 4 მეკარის წაყვანას. მანუელ ნოიერისა და ოლივერ ბაუმანის გარდა, სიაში ურბიგი და ნიუბელი მოიაზრებიან. მწვრთნელის გეგმით, ახალგაზრდა მეკარეების მუნდიალზე წაყვანა ძირითადად საწვრთნელი პროცესის სრულყოფისთვისაა საჭირო, რათა გუნდს ვარჯიშებზე მაქსიმალური როტაციის საშუალება ჰქონდეს.