ნაგელსმანის პასუხი: რატომ მიჰყავს თურქეთში ჩავარდნილი სანე მუნდიალზე?

ლეროი სანეს გერმანიის ნაკრების განაცხადში ხილვამ ბევრს კითხვები გაუჩინა. გალათასარაიში არცთუ ისე სახარბიელო სეზონის შემდეგ, იულიან ნაგელსმანმა საჯაროდ განმარტა, თუ რატომ ენდობა ბაიერნის ყოფილ გარემარბს და რა როლი ექნება მას ამერიკაში.

„მისი ციფრები საკლუბო დონეზე საკმარისად მაღალი არ იყო. თუმცა, ჩვენთან მან ბოლო ოთხ მატჩში ხუთ საგოლე მოქმედებაში მიიღო მონაწილეობა. რა თქმა უნდა, მე მისი ნაკრებში თამაშიც უნდა შევაფასო.

ის ხშირი დებატების საგანია და სულ უფრო ნათელი ხდება, რა აკლია მას. ლეროი უზომოდ პოპულარულია გუნდში - ანტონიოსთან, ჯონასთან, ჯამალთან... კიდევ 15 მოთამაშის დასახელება შემიძლია. მასთან შესანიშნავი კავშირი მაქვს და ტურნირზე შესაძლოა ნამდვილი საერთო ქიმია და იდეალური ურთიერთგაგება განვითარდეს." - განაცხადა ნაგელსმანმა.