ჰიონესის მძიმე ჩარევა: ბაიერნის ლეგენდამ ლაიმერს ულტიმატუმი წაუყენა

მიუნხენის ბაიერნში კონრად ლაიმერის ახალ კონტრაქტთან დაკავშირებით მოლაპარაკებები კრიტიკულ ფაზაში შევიდა. საქმეში პირადად კლუბის საპატიო პრეზიდენტი, ული ჰიონესი ჩაერია.

ლეგენდამ ავსტრიელი ნახევარმცველის აგენტებს მკაცრად და გასაგებ ენაზე აუხსნა ის ფინანსური საზღვრები, რომლებსაც ბაიერნი არავითარ შემთხვევაში არ გადააბიჯებს.

როგორც ირკვევა, ჰიონესის ამ ხისტმა ჩარევამ შედეგი გამოიღო. არსებობს სერიოზული ნიშნები იმისა, რომ თუ ლაიმერს მიუნხენში დარჩენა სურს, მას საკმაოდ მოკრძალებული ხელფასის მომატებით მოუწევს დაკმაყოფილება. ის ციფრები, რომლებიც აქამდე მედიაში ვრცელდებოდა და რასაც ფეხბურთელის მხარე ითხოვდა, უკვე საერთოდ აღარ არის აქტუალური. ჰიონესმა კლუბის ბიუჯეტი კიდევ ერთხელ მკაცრად დაიცვა.