"რეალი 150 მილიონად ოლისეს ერთ ფეხსაც ვერ იყიდის" - ბაიერნის ბოსის ირონია

მიუნხენის ბაიერნის ერთ-ერთმა ხელმძღვანელმა, რომლის ვინაობაც არ სახელდება, L'Equipe-თან ინტერვიუში მაიკლ ოლისეს ტრანსფერზე უაღრესად მკაცრი და ხმაურიანი განცხადება გააკეთა.

ბაიერნის ერთ-ერთი ბოსის თქმით, ფრანგი შემტევი კლუბისთვის ხელშეუხებელია და მისი გაყიდვა არანაირ თანხად არ განიხილება. "ის 200 მილიონ ევროდაც არ წავა. ოლისე შეუფასებელია, მას 500 მილიონადაც კი არ გავუშვებთ." - აღნიშნა ანონიმურმა მაღალჩინოსანმა.

მან მადრიდის რეალის ინტერესსაც ირონიულად უპასუხა და დაამატა: "სიმართლე გითხრათ, არც კი ვარ დარწმუნებული, რომ რეალს 150 მილიონად ოლისეს ერთი ფეხის ყიდვა მაინც შეეძლოს“.