სკანდალი მუნდიალზე: კანადელი ფანები დეივისს უპირისპირდებიან

კანადის ეროვნული ნაკრებისა და მიუნხენის ბაიერნის ვარსკვლავი, ალფონსო დეივისი, გულშემატკივრების მხრიდან უმძიმესი კრიტიკისა და თავდასხმის ობიექტი გახდა. მუნდიალზე მაროკოს ნაკრების წინააღმდეგ გამართულ უმნიშვნელოვანეს მატჩში დეივისის მოედანზე არგამოსვლამ კანადელი ქომაგების სრული გაცოფება გამოიწვია.

ფანების ნაწილი მიიჩნევს, რომ ფეხბურთელმა ნაკრებს მიუნხენის ბაიერნი ამჯობინა, რათა ზედმეტი ტრავმებისგან თავი დაეზღვია. სოციალურ ქსელებში უკვე აქტიურად ითხოვენ, რომ დეივისს კაპიტნის სამკლაური სასწრაფოდ ჩამოერთვას. მისი პოსტების კომენტარებში ნამდვილი ქაოსია - გულშემატკივრები ღიად გამოხატავენ უდიდეს იმედგაცრუებას და მას სამშობლოში დაბრუნების აკრძალვითაც კი ემუქრებიან.

„იმედი მაქვს გერმანია მოგწონს, კანადაში ფეხი აღარასდროს ჩადგა“

„ძალიან, ძალიან იმედგაცრუებული ვარ, ცხოვრებაში ერთხელ მოცემული ტურნირია და შენ სკამზე ზიხარ“

„სიმართლე გითხრა, შენი ფანი აღარ ვარ“