ბაიერნმა უნიკალური მიღწევა გაიმეორა

ჩემპიონთა ლიგის პირველ 1/8 ფინალში მიუნხენის "ბაიერნი" ლონდონის "ჩელსის" ესტუმრა და 0:3 დაამარცხა.

საინტერესოა, რომ ამ გამარჯვების წყალობით "რეკორდმაისტერი" ტურნირის ისტორიაში შევიდა. კერძოდ, ის გახდა რიგით მესამე გუნდი, რომელსაც ჩემპიონთა ლიგის საწყისი შვიდი მატჩიდან ყველა მოგებული აქვს.

აქამდე იგივეს გაკეთება კატალონიის "ბარსელონამ" 2002/03 წლების სეზონში და მადრიდის "რეალმა" 2014/15 წლების სეზონში შეძლეს, თუმცა, ვერცერთმა მათგანმა საბოლოოდ ტიტული ვერ მოიპოვა.