კორონავირუსის გამო ფეხბურთელებს აკრძალვა დაუწესდათ

მიუნხენის "ბაიერნის" სამედიცინო ჯგუფმა ფეხბურთელებს სპეციალური აკრძალვა დაუწესა.

მოგეხსენებათ, ამჟამად მსოფლიოში კორონავირუსი მძვინვარებს. მისგან თავის ასარიდებლად კი ფეხბურთელებს აკრძალული აქვთ ფანებთან ახლო კონტაქტი.

როგორც ცნობილია, ჯერ-ჯერობით გაურკვეველი პერიოდის განმავლობაში ფანებს არ შეეძლებათ მიუნხენელ ფეხბურელებთან ფოტოების გადაღება და მათგან ავტოგრაფის მიღება.

შეგახსენებთ, რომ კორონავირუსის გამო არსებობს საშიშროება იმისა, რომ "ბაიერნი" საზაფხულო ტურნეს დროს ჩინეთში არ გაემგზავროს.