სამი ხედირა ბაიერნის ვარსკვლავს ხვდება

ზოგადად საფეხბურთო სამყაროში იშვიათია წყვილი, რომელშიც ორივე პარტნიორი ფეხბურთელია. თუმცა, როგორც ჩანს სამი ხედირა გამონაკლისია.

გერმანული ტაბლოიდების ცნობით, მსოფლიოს 2014 წლის ჩემპიონი მიუნხენის "ბაიერნის" ვარსკვლავს ხვდება.

კერძოდ, საუბარია "რეკორდმაისტერის" ქალთა გუნდის კაპიტანზე, მელანი ლეუპოლცზე.

აღნიშნულ თემაზე საუბრები ჯერ კიდევ გასულ წელს დაიწყო, როდესაც ხედირა ლეუპოლცის ერთ-ერთ მატჩს დაესწრო. Sport1-ის ცნობით მათი ურთიერთობა ახლაც გრძელდება, თუმცა, ჯერ-ჯერობით წყვილი ამას ოფიციალურად არ ასაჯაროვებს.

შეგახსენებთ, რომ ლეუპოლცი "ბაიერნის" კაპიტანია, თუმცა, რამდენიმე დღის წინ მისი ტრანსფერი ლონდონის "ჩელსიში" დადასტურდა და ის ზაფხულში ინგლისურ კლუბს მიაშურებს.