ალაბას მომავალი ფაქტობრივად გადაწყვეტილია

ბოლო დროს აქტიურად ვრცელდება ინფორმაცია იმის შესახებ, რომ დავიდ ალაბა მიუნხენის "ბაიერნს" დატოვებს და კარიერას მადრიდის "რეალში" გააგრძელებს.

აღნიშნულ თემაზე საინტერესო ცნობა გაავრცელა ესპანურმა გამოცემა Mundo Deportivo, რომლის ინფორმაციითაც 27 წლის მცველმა თავისი გადაწყვეტილება შეცვალა.

კერძოდ, ავსტრიელი ფეხბურთელი "რეკორდმაისტერის" წარმომადგენლებს ესაუბრა და გუნდის დატოვება გადაიფიქრა.

წყაროს ცნობით, ალაბა მზადაა "ბაიერნთან" ახალი კონტრაქტი გააფორმოს და დიდი ალბათობით, შეთანხმება უახლოეს მომავალში შედგება.