ბაიერნი რეალის ვარსკვლავის ტრანსფერზე მუშაობს

მიუნხენის "ბაიერნი" მარჯვენა მცველის ძიებას კვლავ აგრძელებს.

ესპანური გამოცემა Mundo Deportivo-ს ინფორმაციით, "რეკორდმაისტერის" რადარზე ამჯერად მადრიდის "რეალის" ამომავალი ვარსკვლავი, აჩრაფ ჰაკიმი გამოჩნდა.

მოგეხსენებათ, 21 წლის ფეხბურთელი ბუნდესლიგაში უკვე მეორე სეზონს ატარებს და მისი პროგრესი თვალსაჩინოა. შესაბამისად, მან არაერთი ევროპული გრანდის ყურადღებაც მიიპყრო.

წყაროს ცნობით, "სამეფო კლუბი" აჩრაფს მხოლოდ იმ შემთხვევაში გაყიდის, თუ სარფიან წინადადებას მიიღებს. სავარაუდო სატრანსფერო ფასად კი 60 მილიონი ევრო სახელდება.