BILD ბაიერნი კიდევ ერთ ფეხბურთელთან ახანგრძლივებს კონტრაქტს

როგორც ჩანს, აპრილის თვე მიუნხენის "ბაიერნში" კონტრაქტების გახანგრძლივების პერიოდად იქცა.

გერმანული გამოცემა Bild-ის ინფორმაციით, ამჯერად "რეკორდმაისტერი" ესპანელ ნახევარმცველ ტიაგო ალკანტარასთან გაახანგრძლივებს ხელშეკრულებას.

29 წლის ფეხბურთელს მიუნხენურ გრანდთან 2021 წელს ეწურება კონტრაქტი. ბოლო პერიოდის განმავლობაში აქტიური მოლაპარაკებები მიმდინარეობდა მის გახანგრძლივებასთან დაკავშირებით და საბოლოოდ ის წარმატებით დასრულდა.

შეგახსენებთ, რომ მიმდინარე თვეში "ბაიერნმა" უკვე გაუხანგრძლივა კონტრაქტები ალფონსო დეივისსა და თომას მიულერს.