ჰაინერმა ფეხბურთელების კონტრაქტებზე მნიშვნელოვანი განცხადება გააკეთა

მიუნხენის "ბაიერნის" აღმასრულებელმა დირექტორმა, ჰერბერტ ჰაინერმა რამდენიმე მოთამაშის კონტრაქტზე კომენტარი გააკეთა.

"კორონავირუსის კრიზისის მიუხედავად კონტრაქტებზე პრობლემები არ გვაქვს. ჰასანი და ოლივერი უკვე მუშაობენ ამაზე. დარწმუნებული ვარ, სამივე ფეხბურთელი (ალაბა, ალკანტარა, ნოიერი) კონტრაქტს გაახანგრძლივებს."

"სამივე მათგანს ხელშეკრულება 2021 წელს ეწურება და შესაბამისად, ჯერ ეს თემა სანერვიულო არ არის. თუმცა, რა თქმა უნდა გვსურს, რომ რაც შეიძლება სწრაფად შედგეს შეთანხმება."

"მე პირადად მჯერა, რომ ყველა მათგანი დარჩება. რატომ უნდა დატოვონ მათ კლუბი? ისინი მსოფლიოს ერთ-ერთ საუკეთესო გუნდში თამაშობენ, ცხოვრობენ ერთ-ერთ საუკეთესო ქალაქში და უმაღლესი ანაზღაურება აქვთ." - აცხადებს ჰაინერი.